الصورة دي للوحة اسمها " الحقيقة الع-ارية" أو " الحقيقة تخرج من البئر" للفنان جان ليون جيروم رسمها سنة ١٨٩٦ م
بتحكي أسطورة الحقيقة والكذب اللي انتشرت في القرن ال١٩
الأسطورة بتقول ان الكذب والحقيقة اتقابلوا في يوم
فقال الكذب للحقيقة :
_انهاردة يوم جميل جدا!
الحقيقة بصت حواليها في شك ورفعت عينيها للسما لقت اليوم فعلا حلو والجو جميل وقررت تقضي اليوم بتتمشى مع الكذب
ورجع قال الكذب للحقيقة :
– الماية فى البير حلوة قوي ، تعالي ننزل نستحمى فيها..
بصت الحقيقة للكذب فى شك للمرة الثانية، ولمست الماية، لقيتها حلوة فعلا..
فخلع الاثنين هدومهم ، ونزلوا يستحموا فى البير.
وفجأة، خرج الكذب من البير، ولبس بسرعة هدوم الحقيقة وجري
خرجت الحقيقة من البير عري-ا-نة وغضبانة بتجري ورا الكذب عايزة تلحقه
ولما الناس شفوها عر--انة اتضايقوا منها ودوروا وشهم..
أما الحقيقة المسكينة،
فرجعت للبير واستخبت فيه ومطلعتش تانى من كتر خجلها
ومن ساعتها الكذب بيلف العالم لابس توب الحقيقة والناس بتقبله ، وفي نفس الوقت بيرفضوا يشوفوا الحقيقة عر-ي-انة!.
إرسال تعليق